Rydym yn adeiladu timau gwych
Mae ein tîm craidd yn cynnwys ein pedwar partner, wedi’u hategu gan dimau gwych o weithwyr proffesiynol profiadol, dibynadwy yr ydym yn eu hadeiladu i gefnogi prosiectau amrywiol, yn Gymraeg a Saesneg, ar-lein ac yn bersonol.
Ein Partneriaid
Mari Arthur
Mae Mari yn arbenigwr mewn cynaliadwyedd a chyfathrebu strategol. Yn flaenorol yn Gyfarwyddwr Cynnal Cymru am bum mlynedd, bu’n allweddol wrth ddatblygu ochr fasnachol y sefydliad drwy’r her o golli ei chyllid craidd gan Lywodraeth Cymru.
Roedd Mari’n Gadeirydd Panel Cynghori Amgylcheddol Annibynnol Dŵr Cymru Welsh Water, ar hyn o bryd mae’n aelod o Grŵp Her Annibynnol Dŵr Cymru, a Grŵp Her Annibynnol Wales & West Utilities.
Mae Mari wedi rhedeg cwmni ymgynghori marchnata ers dros 17 mlynedd, wedi sefydlu pedwar busnes, mae hi ar hyn o bryd yn Gadeirydd Ynni Sir Gâr ac Ynni Teg, yn Gynghorydd Cymuned, ac yn Llywodraethwr Ysgol Trimsaran.
Joseph Kidd
Mae Joseph yn arbenigwr ynni gyda 15 mlynedd o brofiad ar draws ystod o brosiectau ynni adnewyddadwy. Mae’n Is-Gadeirydd ac yn Aelod o Fwrdd Ynni Morol Cymru, ac mae wedi bod yn ymwneud â’r mwyafrif o ddatblygiadau ynni adnewyddadwy ar y môr yn nyfroedd Cymru hyd yma, gan gynnwys cynhyrchu canllawiau lleoliadol rhanbarthol ar gyfer ynni adnewyddadwy ar y môr yn nyfroedd Cymru.
Mae gan Joseph brofiad helaeth o ymgysylltu â rhanddeiliaid sy’n canolbwyntio ar ddatblygu, ac yn ddiweddar mae wedi cefnogi strategaethau datgarboneiddio a Chynlluniau Ynni Ardaloedd Lleol ar gyfer nifer o awdurdodau lleol a chyrff cyhoeddus. Mae Joseph wedi ei leoli yn Abertawe ac yn ddysgwr Cymraeg.